爸爸日記 記得之前有唔少舊同事同我講過，內容意思大約係： 過咗三十歲你就好難keep㗎喇！ 生咗小朋友後你睇仲有冇時間操嘢！ 年紀大外型一定會走樣㗎啦！ 以上嘅說話可能冇錯，但我又覺得唔好因為咁而不停為自己嘅懶惰搵籍口。 我三十二歲亦都有個女喇，冇錯而家的確冇咁多時間運動，有時飲食又冇咁多機會控制到，年紀大咗身體狀態係比不上十八廿二，但咁又點？ 邊個話比唔上後生嘅就要自己放棄？邊個話年紀大就唔可以盡力keep fit？邊個話做爸爸一定會有個肚腩？？ 雖然我唔算好fit，但我會一直以現階段嘅生活態度keep到郁唔到嘅一日為止，我打算六十歲時有三十歲嘅外表。😎