廿零歲毛都未生齊，點解會醒起去買樓 （五） 上次講到去完grad trip, 由過百萬身家打回原形 咁08年 就畢業專心工作啦，搵到份工都唔錯，咁我個人又窮慣慳開，每個月真係儲到8-9成人工 儲到既錢梗係拎去炒股啦，妄想自己係天選之人，靠炒股發達，實情係on99 日日發夢 09年23歲，突然興起去睇樓，或者買番間投資試下，由於我全個家族都係住公屋，根本無人教到我咩叫物業投資，我就一個人去屋企對面既私樓屋苑搵地產睇樓 好記得，09年樓320尺120萬，仲可以9成按揭出租，首期20萬以內，供樓5000內，租金6000幾 推門入到地產舖，無人想蘇我。。。 咁我惟有講我想睇樓，有冇匙盤可以睇。有個中年阿姐答我，拎左幾條匙去同我行左陣 下回再續