爸爸日記 早幾日呀女有幾聲咳，我同老婆就成日氹佢飲水，係冇睇醫生嘅情況下幾日後就好返，但另一問題就係老婆返工時成日忙到唔記得飲水 ，做老公嘅唯有長氣啲日提夜提啦。 我諗起以前做救護員時遇過嘅一單case，一個唔記得27歲定29歲男仔，報稱有9粒腎石，因為太痛而叫救護車送院治療，見到佢真係痛到縮埋一舊，連講嘢都好痛苦…送院途中佢向我透露原來早排已經做過手術清除結石，但自己又成日將奶茶當水飲之餘又唔肯飲水，結果又出事！ 我同佢講叫佢出院後一定要飲多啲水，唔係之後果幾十年真係有排痛…呢個個案係我救護員生涯入面都幾深刻，因為佢個樣真係好辛苦，係旁人見到都會感受到佢痛嘅果種。 所以無論男女老幼都真係要飲多啲水！大家記得飲多水呀！