因為聽完前排叱咤樂壇Mr.嘅訪問，走咗去聽返Mr. 咁多年嘅碟。作為細個自己屋企係聽Beyond大嘅，Mr.應該就係係屬於自己青春年代嘅樂隊。 佢哋5個都係咁有character性格又鮮明，好有記憶點，唔會好似而家咁，啲人淨係講得出主音叫咩名，而忘記咗其他成員，其實真係有Beyond嗰種感覺。（我知實有人話點咁同Beyond比，得啦，但佢地响我心目中就係咁嘅存在） 2010年個live我有去🥹 Pre smartphone年代，真係無影低相，我淨係記得，佢哋好紅，幫Coke Zero拍廣告，同埋睇完勁鍾意MJ。覺得佢係香港MIYAVI😆 佢哋嘅歌係咁有自己風格但又唔會一成不變，好可惜好幾年之後就沉寂左，我唔記得係因為唱片公司定咩原因，好少出歌，就慢慢無左。真係覺得好可惜香港少左呢隊樂隊。（同Supper Moment 一樣非常可惜，暫不討論立場問題) 而家Alan離左隊，佢哋重新做歌，雖然隊員少咗一個但精神不死，就好似Linkin Park無左Chester都一樣可以咁耀眼🥹 願大家俾多啲支持，少啲批判，好好珍惜一班有才華嘅音樂人🤍 mr.