呢件事我諗返起都好想笑 話時話我尋日打機，一入game我地個JG就叫我地比出生年月日佢，佢識算命 結果當然係冇人理佢啦 我見佢咁慘，就比左我嘅出生日期佢，算係比面啦 一入到峽谷，佢就打字話：「呢鋪我地會輸。」 隊友：「？」 佢：「我算左一掛。我地嘅輔助（姐係我。。。」乃大凶之人，佢嘅出生年月日唔吉利，所以呢po會輸。」 我：「？？？？！！🫨」 我嘅心中係滿滿的無言 接下來果不其然，佢一路係度送，死左就話「唉我一早講左」「唉呢個係命運」 但係因為我地嘅射手好勁 所以逆風變順風，打完龍之後我地已經推落高地 眼看就快贏，我就忍唔住串佢話：「唔係話會輸咩，而家贏緊喎。」 佢話因為射手係大吉之人，配上我呢個大凶之人，兩相抵抗，陰陽結合，龍鳳呈祥，所以贏左。 一完左呢場遊戲我就即刻report左佢。