好多網上食譜做油炸或氣炸乳鴿都會教上皮水或先浸鹵水，亦會用較多配料，好乸麻煩。自己係懶人，鐘意偷工減料，有咁懶得咁懶。將抹乾巳洗淨鴿身內外，用日本黑椒鹽搽勻內部，用淘大香港製造嘅老抽搽勻表面（如果要買嘢有得揀都梗係揀香港製造先啦），之後吹乾表皮，重點係鴿皮一定要吹乾到變薄轉色(並唔係單單吹乾表面冇水份咁求其)，我用風扇仔吹咗5個鐘頭就係第4張相咁嘅效果，再到最後一步，表皮搽浸油放氣炸爐200度20分鐘完成，絶對好味道！亦方便到自己無法接受，氣炸完仲得閒到攞一隻用smoke chips 煙燻5分鐘，冇諗過smoke過嘅鴿完來好食得咁過份。