兩年前嘅今日我正在寄養 Sophie，帶佢睇醫生、滴眼藥水、同埋搵新主人。 依個經歷嘅來源係咁：有一個男人家徒四壁但係有一顆愛狗嘅心，佢喺街度執咗一隻媽媽狗同埋佢四隻小狗。Sophie 係其中一隻。呢個男人雖然好有愛心，但係佢真係唔係好識養狗，好多時候媽媽狗同埋佢嘅小狗都係流連喺屋外面條街度。因為條街污糟 Sophie好不幸染上眼炎，獸醫話好彩救得及時如果唔係，Sophie嗰隻眼會盲。於是我帶咗佢返屋企，當時佢只有四個月大。喺照顧佢嘅期間我不停問人要唔要領養Sophie，如果唔係，當佢眼睛好返之後我可能就要帶佢返去佢媽媽嗰度，即係話返去嗰個簡陋又污糟嘅地方。 幸運地畀我遇到一班加拿大人，佢哋組成咗一個 WhatsApp group, 如果群組入面有邊個準備飛返加拿大，佢哋就會幫忙飛啲狗返去。真係真係最後一日有個好心人 Bryan 話我聽佢會帶 Sophie 返BC省，佢個朋友有個好大嘅地方，有馬有其他小動物，我聽到真係開心到喊。 下次我會登吓佢變咗加拿大狗嘅相，佢而家真係食得好過我 😆 不再流浪的日子