《今次加類固醇後嘅副作用》 ⁡ 其實每年紅斑狼瘡症都幾乎會復發， 今年亦唔例外！ 10月嘅時候開始發燒，去到12月中先退到燒， 每日都38度以上，燒足2個月🫣 除咗發燒、蛋白尿都多咗唔少 血入面有啲指數唔達標 所以醫生話要加類固醇！ 一加就又由5mg加到30mg😟 ⁡ 眾所周知食類固醇係好多副作用 變肥、容易骨質疏鬆、影響眼、影響血糖…… 有時明明覺得病情已經好咗， 但因為仲食緊高劑量類固醇 搞到周身唔舒服 會覺得食藥又死、唔食又死 啲副作用好影響生活！但又逼不得已一定要食咁 ⁡ 講返今次先， 加大咗類固醇之後我係迅速退咗燒 個人無咁攰，見過我嘅朋友仔都話我個人好精神 (因為類固醇係腎上腺皮質醇嘅一種，可以為身體提供能量同精神) 加大劑量最大嘅影響絕對係會係好肚餓💔 我會形容係好似人哋飢餓，幾日冇食嘢咁樣。 食多咗又會變肥， 脂肪積聚咗喺一啲你唔想佢積聚嘅部位，例如個肚。 而加大類固醇會傷骨骼，牙齒， 呢段時間，我試過食食吓早餐，甩咗隻牙🥺 而我雙腳腫到唔識回彈…… 一大堆副作用！ ⁡ 不過而家減緊㗎啦， 啱啱呢個星期減到20mg✌🏻 希望一切安好🩵🩶