天氣終於好少少，冇落雨、冇落雪 ƪ(˘⌣˘)ʃ 可以趁放 Break 出去行下，呼吸下新鮮空氣。 自己好享受英國旣生活節奏，簡簡單單，平平淡淡。當然生活冇係香港咁多節目、方便，比較之下英國生活係單調啲。但從另外一個角度睇，自從喺英國生活之後生活變得有質素，可以專注係自己身心發展、健康等等。 我地倆口子本身都生活好規律，加上有三隻金毛囝囝，所以生活上既安排都會按照佢地生理需要而調整。可能大家會覺得好枯燥、太規律，但係我哋反而好習慣。自己之前係Cabin Crew日夜顛倒，作息食飯時間不定，比較之下我更加嚮往有秩序嘅生活ƪ(˘⌣˘)ʃ 你哋睇到呢度可能會問，你哋有冇朋友㗎？實不相瞞…我哋兩個朋友唔多 (￣∀￣)我地慶幸兩邊屋企人願意放低香港嘅一切，跟住我哋嚟到英國生活，更加感恩嘅係，佢哋已經完完全全融入咗呢度嘅圈子。星期一至五我哋要返工、其中一個夜晚會去我媽媽屋企食飯、星期六通常就二人世界、星期日就陪老公屋企人。所以基本上都冇咩空閒嘅時間去識朋友(°▽°) 生活其實比係香港更加忙…( ͡° ͜ʖ ͡°) 希望嚟到英國生活嘅你哋都搵到自己嘅方向、重心（＾ν＾）加油！ 英國生活