Second scan 係12月11日做左，眨吓眼都過咗成個月有多。仲記得個日提早去到就開始慢慢飲定d水，因為個預約信有提醒你要full bladder ！但又吾可以飲太多之後急到去廁所😂唯有望住前面仲有幾多個就到我甘慢慢攝取水份🤭 一入房就訓上張櫈，曬出你個肚腩😜姑娘好快照左陣就俾我去廁所屙尿，之後再返嚟繼續。途中佢叫我趷起pat pat,Shake 下🤔再企起身、踎低起身同抬腿，但依然照吾到🤔唯有叫我出去走動下再返去；第二次又係吾成功，我又再次被要求岀去走動下，買枝凍水飲俾bb醒一醒神😂上網話食甜野有用，又食咗條Kit Kat! 但第三次入去都係好似冇轉到位置😂正當姑娘叫另一個姑娘出去幫我預約定下次返來再照，佢繼續嘗試……. 個姑娘返嚟話預約左個下就話照到😒🤨係真唔真啊？當下都問下佢，其實要睇咩？原來係想睇佢頸後面個厚度。姑娘初步回應係seems normal ,有手有腳😅😂 就係甘，即刻dump去隔離房抽埋個血就可以回家！ 最終2點幾玩到4點幾，一出房，人哋燈都熄咗，閘都拉埋😂