兩年前從香港買入嚟，到移居多倫多之後就一直沒有為佢開箱及砌佢出來，最終到2024年12月完結前就將它完成。 選擇它，其實是出於一種革命情感，尤其是它出現在那套動畫「閃光的凱撒衛」都係在2019年之後及後國安時代出現，而主角凱撒衛就駕駛XI Gundam以Mafty身份發起反政府組織，向當時已腐敗地球連邦政府對抗暴政，成為對抗極權的象徵…當然，有關的動畫故事仍在待續。（這個故事亦有小說版，但動畫版的故事背景及發展同小說版有少少不同，所以動畫版的結局或許有少少修改，那就留待往後發展了） 都好耐冇砌過1:144比例嘅HG模型，但誠然隨著模型生產的技術進步，造工真係比以前好好多，部件接口剪出來要打磨嘅地方好少，而且都多咗好多細節位置，素組砌出來都有很高完成度。 不過XI Gundam切換飛行模式時後面的垂直尾翼要換另一個parts接駁才可以將尾翼改為水平方向，這方面係有少少不方便，但考慮到HG嘅定位及背包嘅複雜性，用這種轉接方式去做模式轉換也無可厚非。