最近聽到兩個戒零食和戒煙嘅經驗，很有趣。 有個鬼佬同我講，佢以前狂食Pringles sour cream & onion味薯片，直至有人教佢逐片逐片慢慢咬，放喺口入邊「梅」，佢發現冇晒味精之後，薯片係完全冇薯仔味，得啲苦澀同埋化學味，不知不覺就戒左。 聽一個學者分享，喺戒煙研究入邊，唔少人試過用正念嘅方法戒煙，即係每次想食煙嘅時候，叫自己將專注力帶返去正念專注嘅對像（例如呼吸），但唔 work，愈叫自己唔諗，就愈想食煙。 相反，有個研究都係叫戒煙者用正念嘅方法戒煙，但唔係叫你唔好諗食煙，而且仲要你專注咁食，好似禪食咁，正念地逐啖逐啖食，用眼耳口鼻和觸覺五感去感受每一啖。結果，煙民成功戒煙。參加研究嘅戒煙者話：「啲煙味聞起嚟臭芝士咁，食埋啲化學味，勁噁心。」 “Mindful smoking: smells like stinky cheese, and tastes like chemicals, YUCK!” 兩個經驗根本異曲同工，食薯片同食煙，好多時都係emotional eating。利用正念嘅方法，提升自我覺察，慢慢發現身體未必享受亦唔需要呢啲嘢，更有動力戒咗佢。