亂食亂操80公斤野豬養成計劃 2025年第15日 今朝起身照鏡覺得自己真係好廢，無胸無背無手無腹，毫無訓練痕跡，大概係鐘意健身既人眼中自己永遠都唔夠好。最近又去番食極都唔飽既狀態，好想食甜野好想每一秒都塞野入口。半年前開始每日都會聽英文podcast練英文，主要都係聽健身podacst，有一集我記得係大約講2025年新既健身建議/新計劃，主持提及到「Why Not?」依個term，佢覺得好多野其實可以試咗先，好似bulking，如果卡咗同一個體重好耐點解唔試下aggressive d，每星期食多300-500卡，肥咗大不了就減番，試下無壞；訓練都一樣，如果你覺得你有力點解唔試下玩重d，最多都係做得唔好或者做唔到。其實真，人如果驚踏出第一步，就永遠唔會前進到。 因為18號餐廳先正式營業，琴日番去主要都係備野。番咗新工之後對比係以前做法餐個陣學多咗/試多咗好多野，以前做法餐主要都係處理蔬菜，兒家係grill and fire，多咗好多機會去處理肉類，上星期學咗點處理Squid琴日就改pork loin，遲d會學埋改牛同煎牛，開心仔。