因為無慎選隊友而導致移民快將失敗 嘅故事（3） 最搞笑係搞完一大輪嘢移民咗去加拿大，再接埋我隻狗過嚟後，佢夠膽死同我講話佢想返香港。佢話加拿大好悶，都係香港生活比較刺激有趣！ I was like? 吓？嗰陣時又係你話香港生活壓力好大，返工好唔開心？又話人多車多？又話掛住屋企人？又話如果唔係因為我一早返咗加拿大？又質問我香港有咩好呀？而家所有嘢又掉轉返？ 最嬲嗰個位係，點解唔一早講？點解要喺我帶咗我隻狗嚟之後先講？如果一早知道係咁，我唔會帶我隻狗過嚟囉，你估要佢坐飛機好玩？我發現佢真係唔會諗其他人。 明明移民加拿大一開始係佢嘅選擇，如果唔係佢，我係會選擇去英國或者唔走，至少嗰邊我有朋友同埋屋企人，同埋本來我就係喜歡歐洲生活同文化遠超過美加，為咗佢嘅「精神健康」所以妥協搬近啲佢屋企人。 去到某一個位，我都俾佢搞到好憫好亂。我覺得自己係過去呢幾年比佢瘋狂騷擾我思緒下，都繼續默默咁係加拿大建立到屬於自己嘅嘢，有份穩定唔錯嘅工，老細又重用自己已經算唔錯。我真係唔太想理佢做咩/講咩，有時一聽到佢開口講嘢，我已經覺得好煩厭，睇過嘅文章話我呢種反應係對呢個人有PTSD…