因為無慎選隊友而導致移民快將失敗 嘅故事（4） 至於佢聲稱朋友會介紹啲6000加紙嘅餐廳工俾佢，佢會俾晒成份糧去養我呢件事就更加搞笑。 / 係無發生過。 / 老老豆豆，我真係唔係女權自助餐，我從來都冇諗過要佢養我。所以嚟到加拿大之後我好快自己搵咗一份full-time office工，而佢就搵咗份part-time，佢話佢唔會去做朋友間餐廳因為好辛苦喎,ok fine… 我明白一開始唔係咁容易搵工，所以從來都冇chur過佢要搵full-time工，覺得搵到份part-time都ok啦（但佢最後做咗3年part-time⋯） 因為我FT WFH嘅，佢就一個星期淨係返2-3日工，其餘時間佢就留喺屋企同我嘈交同埋挑剔我。有時突然走嚟問我點解冇做某啲家務？例如洗衫。嗰陣時真係激到我黐線。 第一，其實我每個禮拜都會搵啲空檔去做呢啲事，大部份家務我都有做。 第二，明明佢唔使返工，點解佢又唔去做呢？問問問，問我做乜嘢？ 我有好多次都俾佢搞到喊住咁繼續返工。 明明大家係有條件過得開開心心，但佢係都要搞事⋯ 我不停喺度諗，到底個root cause係乜嘢？ 後尾終於俾我諗到：精神病。