講起婆婆👵🏻，仲有好多有趣嘅對話 基本上我咩都可以同佢講 (唔需要掩飾任何粗口😂因為佢勁過我） 問佢情史都肯講 當年有咩人溝 後悔冇嫁比邊個😂 . 有一年，我買了人生第一個包包 ，好開心咁同佢分享，👵🏻係咁摸，話要同個袋影相，笑不攏嘴。 . 👵🏻不時重提舊事話以前俾阿公打好陰公，我安慰佢話「所以佢咪早死囉！冇得享福！」 （勁地獄）然後佢會偷笑，再加多句👵🏻：「佢掂都冇得掂我啊！打到我面腫口腫吖嗱？」 . 每一次同👵🏻飲茶都會預備生果俾我食，通常係橙，奇異果嘅話，佢會脫埋皮用保鮮紙包住。 . 我同佢講身邊朋友啲不自愛經歷，👵🏻一句彈過嚟話：「咪鳩再理佢」 （老人智慧，學嘢！課題分離！） . 👵🏻人緣好好，好到茶樓個經理轉咗工都特登返去同佢飲茶，經理好中意飲啤酒，👵🏻一邊話好擔心佢，一邊一口幫佢飲左杯啤酒 . 幾年前，👵🏻係咁話要介紹個世侄比我。有一次飲茶真係帶埋個男仔嚟，雖然個飯局係我人生中最難捱嘅一次，不過真係好好笑。我事後婉拒，👵🏻：「好傷心啊我真係，不過唔合眼緣都冇辦法啦，諗住肥水不流外人田吖嘛」 留言續