半夜痛醒，隻牙今日已剝，好感恩琴日去到牙醫，一坐低佢就話今日有時間可以幫我剝。由於上手牙醫個filling整得好大好深，所以難於拆番出嚟，唯有剝左佢。5分鐘既時間就完成左，我有同隻牙say bye bye and sorry.其實佢好無辜😅因為係隻智慧齒令到隻大牙入面條邊邊有少少蛀。不得不感恩自己係一個NHS不算繁忙既區，上星期同琴日都係一打去話痛佢就即刻俾第二日既快期我。再前一個星期弟弟唔舒服（肺部感染），醫院門診叫我地同佢過隔離急症，由分流到診治到攞藥都係4個鐘（並唔係新聞講既91個鐘）😅。其實呢邊既分流系統做得好好，一d嚴重既病會即時做CT scan，照晒所有野去幫病人搵出原因。所以其實真係好多謝呢邊NHS。當然，一般傷風感冒發燒肚痾就自己搵藥食😅我唸就係佢地既自然療法。全日冇食過野，淨係飲到粥水同食mousse 😆所以見到呢個之前去旅行整既杯麵，個肚即時叫出聲，睇左當食左，慰藉下心靈。