被飲食事業耽誤嘅歌手「Chef Lemon」謝霆鋒自從2000年活著Viva演唱會之後，有24年已經無喺香港開過售票演唱會，不過佢今日終於公布好消息，宣布將會進軍啟德體育園，舉行「謝霆鋒進化演唱會」，成為第一位公布喺主場館開騷嘅香港歌手！ Chef Lemon公開演唱會宣傳片，見到佢喺場館入面型爆彈結他，而今次演唱會就會喺4月尾舉行2場，票價由$1380至$680 。