自從在餐廳食咗唔乾淨嘅嘢，中咗急性腸胃炎之後，我真係好攰好辛苦，一晚嘔8 次，完全飲唔到水又發燒，d 皮膚立即亁曬。 好彩我朋友即刻可以嚟幫我做生物共振自然療法，嗰部機真係神級，大大大癲，我覺得要推廣俾全世界同全部人，香港仲係唔流行，我覺得好可惜。我完全冇睇過西醫，只係食咗必理痛，因為個頭實在太痛。 做完我其實即刻退咗燒同埋止到嘔，第二日真係冇事，只不過係好攰好攰無力無氣。今次真係痾嘔到差啲入醫院。自從兩年半之前中咗COVID之後，好耐未試過病到咁辛苦。 然後過咗幾日，成個身體都仲好似冇晒氣咁，散曬，於是我又搵另外一個朋友幫我做頌鉢治療，好舒服，做完又好啲喇喎！ 之後再去睇埋中醫補返啲氣，佢把完脈都話「嘩你真係好唔夠氣好唔夠氣呀😆！」 元氣大傷就係如此。