有返咁上下年紀玩sims真係覺得自己無得救。 唔記得咗個人仔會老死，每日放工返嚟就就做每日工作任務寫程式同升技能，因為可以節省返啲煮飯時間就日日叫pizza。點知個人仔變咗豬咁肥，所以後來就變咗寫程式+升技能+跑跑步機。跟住個人仔就就嚟老死😀 其它咩都無做過，間屋出面生咩樣我都唔知。 開外掛整返後生個人，終於工作同3、4個技能都頂bar，去買咗資料片度假旅行，就比火燒死咗😀復活返辛辛苦苦用咗一世升職嘅工就無咗😀😀😀😀跟手因為重生太多次，識返嚟啲朋友仔老嘅老死嘅死，模擬人生比我監生玩到葬送的芙蘭蓮咁😃😃😃😃 結論：此人奴性深入骨髓，無得救🙃