首先感謝各位Thriends嘅厚愛，為部分古著搵到新主人～大家都好好人好有品味（間接讚下自己😛） 坐車無聊繼續講下對我影響甚深嘅整理書籍之二：時尚斷捨離 by 地曳iku子 我覺得每個做嘢10年以上嘅女性都可以睇下呢本，對襯衫同點對付衣櫃嘅黑洞頗有啟發性。 1. 何謂適合自己嘅風格？ 後生嘅時候可以多啲試下唔同嘅風格，到30out 應該會對自己適合嘅風格有一定嘅認識。簡單來講，就係「着上身會由心底散發出自信」嘅裝扮。有人批評嘅時候，你會捍衛自己嘅品味。 緊記就係「中意」唔等於「合適」，我真心建議可以着來影完相，然後遮咗個頭，客觀去打量下係咪真係啱自己。 有啲衫明明自己好中意，但着上身個人唔太聚財，咁就唔好留佢喺度啦，懷著感謝嘅心送佢走啦。