[得罪Agent系列] 點買保險最著數? 等PoorGuy話你知 🤓 接續上期保險系列。好多人買保險都係聽人講亂咁買，跟人地買，都唔知自己買左乜，結果又貴又冇用 🤦‍♂️ 今日同大家分享兩個重要嘅投保原則, 等你做一個精明嘅投保人！ 第一個原則係「保大唔保細」 💡 即係話要著重保障重大風險，例如大病手術同意外身故，而唔係啲小病小痛。因為保險其實係人生嘅put option (看跌期權)，最緊要cover到會令你破產嘅風險! 傷風感冒睇醫生都係幾百蚊，唔會家破人亡嘅。所以醫保記住揀高自付額plan (建議$50,000起)，保費平之餘，保障又全面，真正發揮到安全網兜底嘅效果 😉 第二個原則係「買定期唔買儲蓄」 🎯 定期保險 (term insurance) 每年續保其實先最適合多數人嘅需要。因為你嘅保障需求會隨年齡改變, 30-40歲做經濟支柱需要高額保障, 但到60歲退休後，仔女都大個就唔使咁多。雖然儲蓄型保險好似供完一段時間就唔需要供，之後可能仲有錢攞得返，好似好正咁。但係正所謂羊毛出自羊身上，代價就係相同嘅保費， 儲蓄型保險嘅保額細好多，而且回報率低又綁死幾十年。