你哋記唔記得先前提過信用卡積分換Asia Miles有10%Bonus嘅優惠？我自己都換咗14萬里落國泰戶口，可以賺多10%里數之餘仲可以用10里數換半島酒店大堂茶座雙人三道菜午餐或晚餐！我成日都建議大家趁有bonus就要換定啲Asia Miles喺戶口，一有啱心水機票嗰陣可以隨時兌換出發。 大家快啲check返Email/Asia Miles app睇下中唔中特選！就算唔見有通知，都可以試下撳登記連結睇下中唔中！ ✈️累積兌換14萬里數以下，享額外10%里數 🍝累積兌換滿14萬里數或以上，享額外10%里數 + 可以用10里數兌換香港半島酒店大堂茶座雙人三道菜午餐或晚餐 📅優惠期：即日起至2025年2月15日 ⚠️優惠唔適用於直接簽賬賺嘅里數，即係透過渣打國泰Mastercard或Mox Bank賺嘅里數唔計算在內 今次優惠無限制兌換次數同數量，只要用香港嘅信用卡積分兌換里數，就可享額外10%Bonus！即係用平時同大家介紹嘅HSBC信用卡、AE信用卡、中銀信用卡、Citi信用卡等嘅積分轉換Asia Miles，無論你轉幾多次、轉幾多里數都有得賺額外10%里數！