我語氣係咪重左？sor , 我都係講返我嘅思考邏輯。 你提出呢個情況，其實係一種倫理思考。 唔論貨架上有幾多件貨，你買走一件，後來者就會少一件可以買❨假使短期內唔補貨嘅情況下❩ , 於是｢我有幾需要件貨物｣ 就會VS 「顧全他人購買感受」。 你到底有幾在意他人嘅期望落空，仲要個個後來者係陌生人。 一般情況下，我地嘅即時購買慾都係會大於關心陌生人感受，甚至有d人會因為搶到臨尾兩件貨有優越感。 我會歸類為個人道德感高低嘅分野，但點都唔會撥佢入｢自私行為｣嘅範疇。即係如果有個人道德自我規範聖人級，佢真係望住剩低個兩件貨會糾結：吖，會唔會後來者買唔到會唔係咁好呢。 我會欣賞佢嘅崇高，但大部份情況下，我會覺得佢係多慮 XD 當然再討論落去，我地可以附加更多條件，例如後來者在唔在場/購買時係太平盛世定戰亂飢荒。。。 不過我相信咁哲學嘅思考，冇咩人會購物當場係個腦入面做。 不如拎左件貨俾錢啦 XD