有感而發 其實一直以來小編都好鍾意trading，不論係日常生活中同朋友之間嘅交易，定係好正式嘅買賣交易，只要係互惠互利、雙方winwin就會好有熱誠。 半年前入坑ptcg，之後聞到商機，一個幾月前就同男朋友+佢啲frd開咗呢間網店，知道其實出嚟做生意好難，所以必須有自己嘅特別之處，先可以鶴立雞群，突圍而出，目標係至少做到好似holomart咁，甚至有實體店。 之前有參加唔少校外學生組織，所以其實都知道唔少PR+營運策略，清楚點樣去boost自己嘅program。喺呢間店做第一單生意嗰陣，原本預期嘅客嘅數量屈指可數，但冇諗過出乎意料，有好多人過嚟幫襯我哋，其實好感激大家咁支持我哋，選擇信任我哋呢間新店，呢次亦為LAZYPIKACHU嘅「老闆仔們」打咗支強心針，繼續營運落去。 可惜呢間網店出現得太突然，身為應屆DSE考生嘅小編冇辦法經常幫手，目前幾乎所有野都由男朋友負責，工作量亦比我哋之前想像中多，見到同樣係中學生嘅男朋友一人獨撐，作為女朋友嘅我都覺得有啲心酸 （comment繼續，打唔晒🥹）