睇完魷魚遊戲，宜家睇黑暗榮耀，本身對呢套劇冇興趣睇，因為我知道套劇係講校園霸凌，但就係因為睇完魷魚遊戲裡面嘅朴成勛之後，知道黑暗榮耀都佢有份，就開始睇啦，原來黑暗榮耀都係已經三年前嘅劇。 原本我係諗住自己一個人睇嘅，點知男朋友加入咗我就一齊睇，我同男朋友都覺得真係好好睇，係睇完想繼續追，啱啱先睇完第10集，個奸女人啲報應開始慢慢嚟啦！ 雖然係劇集，但我都相信個天係公平嘅，佢閂咗你一隻窗，但點都會留返隻門比你嘅，做人嘅野呢～千祈就唔好做埋一啲傷天害理嘅事，係有報應嫁！若然未報，只係時辰未到嫁咋～ 本身我好鍾意宋仲基，但麻麻地宋慧喬，當初聽到宋仲基退伍之後拍第一套劇就係太陽的後裔，亦知道咗宋仲基同宋慧喬係劇裡面係一對情人之後就覺得「下！唔係掛！」覺得佢哋兩個完全唔襯，點演情侶呀？再到佢地結婚之後我就有啲唔開心😅😅但自從佢地離叻婚之後，反而我鍾意咗宋慧喬，討厭咗宋仲基 #더글로리