今日見工，真係同個天一樣灰灰地 一起身又如常地打開電腦繼續搵工 Call到其中一個白人車衫工廠既工，就話send份cv俾佢睇再等，點知又真係有回音叫我即刻去面試因為老細就走，咁當然即刻衝過去 見面傾談開頭都唔錯，但講講下點知話見我咁多工作經驗，衣個job position未必啱我，所以再睇下遲啲有冇啱既職位再通知我(前題:我上年grade，啲經驗多數都係pt kitchen helper 嗰下心諗，多又嫌棄，冇相關工作經驗又嫌棄真係玩晒，有時cv send岀去啲超巿結果又俾人抌去話做kitchen helper，但唔想俾衣行綁住一世，所以堅決唔做住先除非搵唔到 雖然先到埗一個月，但日日都持續咁樣都真係身心疲倦左下，有啲又話試工結果都冇下文，返到屋企繼續搵工 點知突然收到電話係之前見既工廠工話決定俾機會我如無意外下星期開始返工，真係都有啲出乎意料，真係好多謝嗰個負責人🙌🏻 都想同仍搵工的人講返聲加油，本身自己都唔係好講野開頭打電話都要諗好耐去到衣家已經即打即問，用好廢既英文面試，其實你係得既，失敗左再嘗試，一定會有好消息 希望大家係加拿大都一切順利！🙏🏻