呢個係我同鄉 香港人🇭🇰VS摩洛哥人 除左摩洛哥旅遊資訊外，我想寫下我同摩洛哥人合作嘅千奇百趣。話說我嘅角色就係個旅遊地接大磨心，聽完個旅客想幾時來同埋要咩檔次等expectation之後就brief摩洛哥人出個旅行package連報價. 咁你知啦，而家問得嘅絕大部份都睇復活節，而復活節好嘅住宿又full到七彩。咁摩洛哥人出左個plan俾我check過正正常常就9秒9send俾個客。 就響電光火石㩒send嘅嗰一剎那個心涼一涼，點解舍夫沙萬藍城間酒店門口有中！文！字！仲要簡體！ 心裡面爆左句粗摩洛哥人究竟俾左d乜la嘢我, 問摩洛哥人你做咩俾間咁嘅野我。佢話呢間酒店係你同鄉，好多中國人又靚又乾淨，我特登搵俾你仲要有房，好好彩。 我同佢講香港人唔係要呢d, 佢又好奇寶寶問點解。好明顯佢覺得同鄉住埋一齊一定係最開心最親切又窩心嘅。除左香港人加油🇭🇰之外！ 我都唔知點解釋俾摩洛哥人知咩事，一句話100% NO到尾。 頓時覺得我嘅存在價值高左100倍。 如果我send左出街，個客已讀不回都似😅。