抗癌日誌（四） 落緊手術室，心情真係好複雜，因為原本老公可以陪住，但落到去始終要自己一個面對，落到去，就見到兩個幫我做手術嘅醫生已經係度，佢哋心情好輕鬆，而我就勁驚，而且又凍！終於麻醉醫生脾氣我聞，我就開始訓覺，到我比姑娘叫醒就應該三個鐘後，要我過床，推返上房，當時郁一下已經起級痛，姑娘佢地用墊幫我過床嗰下，我已經嗌咗出嚟！係痛到嗌嗌！但係隻眼又擘唔大好攰好攰，之後上到房再將我過返去自己張床，我又再一次嗌咗出嚟，嗰下我聽到老公把聲係出面，話死囉，佢嗌呀！我自己都叫自己忍住！唔好嚇親屋企人！但真心，呢次痛過生兩個女嘅開刀，連郁小小都好痛好刺激！但阿哥阿嫂，家姐都度，點都要堅強啲！所以好快叫佢地返屋企，自己先可以安心休息訓覺！而家回想返，－年前嘅痛，仲係好難忘！不過好彩，真係會過去的！所以嘅嘢，都可以回復正常！但從那一天起，我又多一條30cm長嘅疤痕！呢啲引流波波一直去到出院前一日，都好多血水，啲腸又不停郁動就好痛！好似抽筋咁樣！