去咗最亂咁嚟嘅一次旅行 未過probation請no pay 未去過京都，但冇計劃冇資料搜集 國際牌過期又唔知冇車揸 行李隨心pack冇衫着再買 機票出發前三日買，酒店checkout先book下一間 所有行程都係早一晚臨瞓前諗 所有交通都係即場google map乘換案內 冇提早買門票 冇睇定一日卷 冇任何餐廳booking 所有嘢都好隨緣，地方靚嘅就stay耐啲 景點冇開搵間cafe坐，餐廳休息客滿第二日再去，冇車坐就靠腳行順便周圍搵下貓 去機場都唔預多啲時間，最後miss咗班機 咁咪住多日😂 跌咗好多錢，行程好多意外 可以話係度過咗人生最唔理智最唔用腦嘅時光 但都係最舒服＆輕鬆嘅一次旅程 淡季冇櫻花冇楓葉唔係好逼 著名景點以外都超級安靜 求其邊條街睇落都好有韻味，散步勁好feel 行到邊覺得攰都總搵到間高質cafe 咖啡/甜品/麵包都係難以置信地好食😋 有幸遇上幾個鐘頭落雪靚到傻🥹 透過今次旅程再一次了解到自己有幾懶幾求其 但我諗咁先係我最嚮往嘅生活或者旅行方式 同時發現自己喺打卡方面係殘疾人士，不停炒相 聽講上一次去嘅美瑛已經斬咗排樹，希望再訪京都可以景物依舊