關於不供詞填充~ 今日想講下中文科不供詞填充 近來見到不供詞填充題型 已下調到一年級(原諒我有少少唔太接受到) 係我既學生當中 真係有一年級考不供詞 (我唔知邊間學校，因為唔刻意收集同學個資) 二年級考不供詞填充都幾多 事實對初小黎講 難度系數係好高 要成功填岩答案 有幾個方面 1,對字詞意思有充分理解 家長可能發現 有時一個詞語 可能有兩個意思 如果同學搞唔清 就會失分 例如:雕琢(小五課文出現) 可指刻鏤(即雕琢玉石) 亦可指修飾文詞(雕琢文句) 已經係兩碼子既事 一個字詞已經有兩個意思 所以掌握字詞唔同意思 對理解、充分運用有好大既作用 以前係學校教 特別高年級 課堂上會同同學探討字詞的意思 同可以運用係咩情境 2.仔細閱讀題目 理想既題目應該會創設一個獨有的語境 唔會模稜兩可(所以我話「理想」) 因此仔細斟酌題目 圈出重要字眼、關鍵字 有助搵出正確答案 ​想知係不供詞填充點部署 下次再講...... 不供詞填充/小學中文