而家周圍都係marketing 廣告佬 教人做生意嘅人教 美容院 點樣run自己生意，但當我見到終於有人忍唔住要教人舖頭張凳幾闊，張枱要幾長依啲嘢嗰陣，我就知過咗一年啲依班人都終於差唔多要技窮。 知識其實係一種free shit嚟，除非嗰樣知識係度身訂造，但假如你知道你喺嗰個人度學嘅知識係有上限，能夠學習到嘅嘢係有盡頭，咁嘅話就代表嗰個人唔值得你喺佢身上花錢去學習。 我眼中嘅教育學者喺life long learning嘅前提下，佢私底下學習新嘅知識/整合自己知識庫嘅水平應該高過我好多，佢喺我想學習嘅範疇嗰度應該擁有無上限嘅野比我去學，假如佢出現回塘乾塘嘅情況嘅話，咁嘅話就代表嗰個人水平唔夠。 水平唔夠嘅人去教人嘢… 到底錢係容易賺定係錢好難賺呢？ 每當我見到教人嘢嘅人比嚟學嘢嘅人更加想去賺錢嗰陣我都忍唔住會諗呢個問題。