Hi大家好 話說今日發生咗件幾開心幾「窩心」既事 喺自己身上 所以想同大家分享下 故事背景係 有時彈結他會成日好冇方向 所以就下定決定搵老師教自己 我仲係好Green 所以我都只係報咗啲好入門既班 咁啱啱就係上第一堂 因為呢個係新手班 而我之前都學過下 所以轉Chord果啲我基本上都識曬 但隔離啲同學仔有好多都第一次接觸 而老師今堂都係教最基本既C G大調Chord Em C G Dm F果啲啦 咁因為我本身就識 所以成堂我就當溫書咁坐喺班房後面慢慢練 而老師就一直重複呢幾段說話 「記住手型之後 你就直接禁落去」 「禁錯都唔緊要 可以慢慢調整」 「但係節奏一斷就冇㗎喇 彈錯好過斷節奏」 「唔洗驚自己彈啲音好「擦」 正常㗎個個都係咁」 「你要接受自己係會失敗 係會禁錯」 「但係照禁咗先 冇問題㗎」 「你每日練20分鐘就足夠」 「而且唔洗多 每日淨係練轉兩個Chord就OK」 冇錯 呢幾番說話老師由上堂講到落堂 但我每次都有好專心去聽佢講 唔知點解我覺得佢講既呢啲嘢 好療癒到我內心 我聽完覺得好溫暖 雖然我係去上結他堂 但有一種去睇心理醫生既感覺