到底有幾顧及佢既安全？ 角色 🧑🏼‍🦳60+嬸嬸 👴🏻70+伯伯 當巴士司機（而家興叫車長）正準備係同一個站第二次閂頭門之際， 有個嬸嬸跑上嚟頂住度車門，同司機講 🧑🏼‍🦳「等等，仲有個嚟緊！」 之後伸個頭出車外講 🧑🏼‍🦳「快啲啦，仲咁慢！」 坐係下層中間近車門個邊既我好自然咁向窗望，咦唔係喎，冇人既？係大約3秒後就係車窗外見到有個伯伯一二、一二咁走過…. 終於上到車，伯伯一路喘下喘下行入嚟就話 👴🏻「追到我上氣唔接下氣」 呢個時候嬸嬸接話 🧑🏼‍🦳「仲好講，明知追車架啦，仲咁慢！仲有呀，唔好行咁入坐，坐出啲。又唔係唔知自己 事，企又唔穩，行又唔穩，一陣跌倒就麻鬼煩！」 伯伯冇理佢，有咁入走咁入 而我就心裏面一堆問號，你明知佢企又唔穩，行又唔穩，仲要佢追幾十米巴士？架車仲要唔係耐，6分鐘就有一班車。個下你又唔驚佢跌倒既？