一月有感 返咗2個星期工，已經將聖誕假儲落黎嘅能量耗盡再嘔突，又再重返憑意志力返工嘅狀態，好彩農曆新年假is around the corner。 收得人工都係預咗要做嘅，但最近越黎越發覺，有好多野為做而做, 例如啲學生考邊份卷嘅分唔好，就再加嗰樣野嘅補課，設係lunchtime同放學，邊樣分唔夠好，就再操多幾份past paper。有冇諗過成績唔好唔係因為做得唔夠，而係因為做得太多，每樣野都要做，舊野唔cut, 再加新野，時間同體力都冇變，咁師生為咗fulfill你要求，咪唔理做成點，總之做咗咪算囉。 And the vicious cycle continues. 最近有感無論係老師定學生，都好似一隻係倉鼠不停係hamster ball上面跑，去滿足學校要求。 當大家諗住頂硬上捱埋佢啦，上面知你做到，下次要求就更高更苛刻，永遠都唔會滿足。 學生應付老師，老師應付上司，上司應付上上司。 然後間唔中就會有啲減壓講座走出黎，話要正向教育。 好，呻完。又一條好漢。