婆婆： 由我好細個BB仔開始妳就一直照顧我，湊大我到我讀完幼稚園、讀完小學、讀完中學、到依家讀完大學出嚟做社畜，妳都一直默默照顧緊我，我真係好想可以同你親口講一聲多謝。 平時我見得最多嘅就係妳，一星期冇見足妳七日都見妳五六日，基本上我依家平日放假唔洗返工嗰日我下晝就會同妳食lunch，夜晚又係妳煮飯比我食，我放假嘅時候間唔中就陪妳出去行吓街買吓餸，就好似早幾日我放假咁我哋一齊去咗街市買餸，買完餸我哋就去咗嘆個靚下午茶咁。 偷偷地講個秘密妳聽，每年我生日同埋我一個階段畢業，你都會封利是比我嘅，我有時同你講話封利是啲錢已經洗哂，其實我呃你㗎咋！由我一歲生日嗰封利是開始我都一直儲咗喺度，到依家都冇洗過一分一毫，我覺得真係好有紀念價值所以我一直都唔捨得洗，呢二十幾年嚟你比我嘅呢啲利是我完全冇拆過嚟用！ (未完，留言待續)