🇫🇷YSL總部工作內容 我係負責YSL嘅Rive Droite部門，本身都有去in皮具同服裝，但衡量之後覺得Rive Droite似乎最有趣同埋會係一段好獨特經歷，所以就揀咗入呢條team🫶🏻 如果你係YSL忠粉，應該會聽過Rive Droite🤣佢係 YSL喺2019年由創意總監Anthony Vaccarello推出嘅 concept store。簡單嚟講，佢想將成個brand嘅風格延伸到生活用品領域，創造一個集合藝術、音樂同文化嘅空間。 Rive Droite 經常會同其他brand合作聯名推出生活用品，例如餐具、喇叭、文具，傢俬，甚至菲林相機。(仲有好多你估唔到嘅古靈精怪野😂）最近就聯手米芝蓮餐廳推出餐具，同 New Era 推出聯名棒球帽。 全球目前得Paris同LA有Rive Droite嘅門店，裏面靚到成個藝術博物館咁，每個月門店都會有event，例如作家簽書會或者藝術展，有時開放比公眾，有時只有VIP先去得。 而我就係負責Rive Droite一切online嘅事務，要詳細講我做乜應該要寫幾千字🤡反正就係確保全球每個online市場都順暢運作🙂‍↕️