Hey Daniel, Happy birthday 🎊🎂🎈 今年40歲 （雖然個樣唔似😝） 轉字頭係有啲感觸 成日驚過咗40歲就會好快老 所以39歲呢年，特別做咗好多嘢 等自己老咗都有故仔講！ 39歲嘅我， 喺奧運入咗決賽，做咗殘奧銀牌得主 做咗開幕禮同閉幕禮嘅持旗手 出咗本自傳，做咗作家 做咗個音樂頒獎禮嘅司儀 有咗自己嘅電台節目，做咗主持 我諗39歲呢一年，當我老咗都應該仲有排講 希望40歲以後，可以繼續精彩 40歲之後，開始轉角色 但係依然希望擁有屬於自己嘅舞台 希望繼續做好分享會，工作坊，司儀，主持等可以分享自己故事要這理念嘅機會，繼續精彩！ BTW, 點都要許返個願，祝自己身體健康。 好多謝老婆幫我安排咗個日本生日之旅， 但係呢幾日落嚟，發現自己身體真係返唔到以前 特別係奧運儲落嚟嘅傷患，以前一日行幾個鐘只有隻腳痛條腰唔會有事，而家行個零鐘頭條腰就痛，要坐低唞吓，雖然話為咗奧運獎牌，乜嘢都值。但係就最好身體健康，條腰好返唔會再痛。 所以乜都假，老土啲都係，祝大家都：「身體健康」 貪心啲補多個願望，希望大家繼續支持我😊🙏