好快就大結局。今集感覺好趕，交代嘅嘢太多。 俊傑對祖和嘅感情，係好苦嘅單戀😟如果冇誤殺詠芝，佢可能可以做祖和嘅永遠好朋友😟到最後佢都怕祖和知道左會連普通朋友都冇得做，真係好可憐。現實生活中有見過呢啲事，結果係雙方都唔好受🥹 詠芝呢個角色，唔太鍾意，唔可以話佢唔愛祖和，但我覺得佢想借祖和逃出原生家庭嘅困局，如果佢冇死，相信都唔會同祖和有好結果。 文康又係好不幸，但愛情嘅嘢，無左就無左，之前佢問女主角可唔可以復合，果一刻我代入我自己😅如果係我，可能會應𠄘佢（雖然我係糖，但大表真係好適合做老公🤣🤣🤣 去到最後一集，唔知有冇萬眾期待嘅親密鏡頭😁不過我覺得冇所謂，太耐冇追劇，希望下一套唔洗等一年啦。