諗起自己細個有幾中意謝霆鋒 有件事好深刻，就係為咗謝霆鋒同個識彈結他嘅某制度團體隊長鬧交+絕交😂 唔記得乜嘢場合總之講起我好中意謝霆鋒，佢就話佢最唔中意就係謝霆鋒，因為佢覺得謝霆鋒唔識音樂，仲有其他聽慣聽熟嘅原因，當然仲話佢好柒啦！🙂 然後我即刻開佢波😂「柒？柒得過你？你而家好靚仔咩？唱歌好好聽咩？你咪又係咁矮！」小學雞式嘅鬧交，返到屋企用ICQ定MSN再打字屌多佢一鑊，然後唔再出現喺有呢個人嘅場合 🥹🥹所以呢⋯⋯ 無論乜人話佢乜嘢唔好、憑乜做啟德第一人etc. 我乜柒都唔會聽入耳！ 鋒味2023係我第一次聽佢唱LIVE！！ 係呀冇錯，同嗰個隊長絕晒交嗰陣，我連真人謝霆鋒都只係離遠見過一次(戀愛行星電影宣傳at大埔超級城😂嗰陣隨身攜帶一部菲林相機，真係喺二樓路過聽到點解開mic講嘢條仔把聲咁熟嘅？我同同學講喂好似係謝霆鋒喎😂😂望落去就知道真係謝霆鋒🤣然後用嗰卷菲林36張乜柒都唔理轟鳩晒落去，仲要即刻拎去快圖美曬，啲相仲keep住，相入面嘅謝霆鋒真係我講你先會知係佢，你嘅肉眼係唔會分到佢同林嘉欣嗰種細過隻蟻嘅size) 留言續廢話