有兩個日本朋友嚟咗香港工作一年，都叫生活咗一段時間，咪問吓佢哋覺得香港有咩好同唔好。 先講優點 1.教育：香港嘅國際幼稚園雖然貴，但原來東京仲貴，而且佢哋好重視下一代嘅英文，話小朋友喺香港讀書啲英文進步得好快 2.語言：香港人點都識一兩句英文，所以基本上佢哋唔使學廣東話都生存到，佢哋話的士佬仲會同佢哋講ありがと😂 3.飲食：基本上佢哋都話日本人朋友食開嘅餐廳都好高水準同啱佢哋胃口，其中一個鍾意試新嘢，連譚仔都話正，仲同我講QR code 落單好方便 4.職場：唔使日日著老西，同埋即使係日本公司，來到香港都會少咗果種令人窒息嘅職場文化，起碼佢哋好易請到/夠膽請AL返日本探親 5.福利：咁派到香港梗係會有housing allowance ，都可以住得唔錯，差極都夠租黃埔花園 講到缺點…就吞吞吐吐，都係果幾味，夏天太濕熱，物價貴（可能出糧出返Yen?）同埋餐廳「好有效率」，即係好快比人趕走😅