唔知大家有冇遇過啲人無事個陣就話想同你溝通 但事實上每次當你表達任何佢覺得唔啱聽嘅說話時 佢即刻就會話同你溝通唔到 繼而將所有溝通失敗嘅責任放晒落你度 其實對方唔係溝通唔到 係唔想同你溝通 呢類型嘅對話 基本上有一方淨係想人聽哂佢講 而另一方只需要接收 係唔洗比feedback 想人聽自己講嘢就唔係錯嘅 不過最好就係認識一個事實 就係呢類型嘅溝通模式多數都好難改變 對方可能無/有意識地覺得同你唔係一個平等關係 所以佢會認為自己嘅話語權係大於你 至於最常出現呢類型溝通嘅我相信就會係 親子/師生呢類本身涉及更多權力流動嘅關係 但如果你另一半係呢類型溝通模式 而你期望佢有改變嘅話 咁好可惜 正如一個信耶穌嘅人唔會突然間改信佛 一段戀愛關係入邊對權力嘅戀棧係一種信念 唔係一仲可以隨便改變嘅行為 如果你期望可以改變對方 或者變成一段平等關係 我嘅奉勸就係 除非佢身上有啲嘢你覺得可以利用到 如果唔係就早走早著啦🤷🏻‍♀️