今日想分享我做既第一份工，好多人都覺得我份人好體貼，其實呢啲野唔係天生，係訓練出黎。 我第一份intern同full time 都係同一間公司做同一樣既野。簡單啲講係幫高官、名人同投資者安排event。你冇睇錯，我唔係做IT出身🙏🏻 而呢份工影響左我日後既待人處事，學識咗人情世故，因為我係呢份工比班阿姐百屌成材，未返得掂份工先學左做人。  一場event要係邊到搞，餐飲、交通點樣安排，要預備幾多個停車位，細緻到究竟啲凳點樣安排，我都喺呢一份工嗰度學返黎。 好記得有一次安排一個lunch飯局，有1x個人，以前嘅我唔識世界，淨係諗住是但搵間有房嘅高級餐廳就算，完全冇諗過中間有咩細節。 之後俾阿姐屌到飛天，佢話呢壇嘢最主要係比佢哋傾偈交流，我book嗰間西餐廳係長枱，佢哋咁樣傾唔到嘢，應該要搵圓枱。咁我以為改左中餐圓枱就得，阿姐問我有冇同佢地啲秘書confirm 佢地有咩食物敏感/preference，之後佢叫我draft 個座位表，我完全唔知點排，佢係我面前講左一次呢1x個人既關係，有啲咩人可以坐埋一齊，有啲咩人要分開坐。 （留言續）