多謝脂肪 啱啱睇報道 有21歲女遭浪捲走漂流36小時 獲救後感謝自己既脂肪夠多才可撐過 話說我都有個要多謝脂肪既經歷 細個小學六年級 有一晚我突然肚好痛 痛到成晚不能躺平只能坐著 第二朝屋企人帶我去睇醫生 當時已經距離我初起肚痛 至少9粒鐘 醫生一check已經話我盲腸炎 立即拿拿淋入院 入院時仲發生小插曲 因為小六既我已經重達150磅 被人強制住成人病房 入院開刀後醫生滴住汗咁出黎 同我老豆講 你個女頭先一開個肚 盲腸炎d癑已經穿左 流哂出黎 好彩佢個肚有層脂肪包住 d癑先冇流到周圍都係 如果唔係就感染哂個腹腔 到時就好大件事 我冇諗過 我生命中要經歷 咁活生生要多謝我脂肪既事 而家知道我人生課題後 再望住我肚個層水泡 我都會好多謝佢 感恩我有脂肪