人類總是重複相同的錯誤…… 前幾日嘅司棋姐「邊個係人，邊個係鬼，我睇得出」反擊騙徒大家津津樂道，但其實我已經懷疑單嘢係假嘅，到今日果然係假嘅，原來又係合作廣告，不過今次係同滙豐合作就少好多人嘈。 其實點樣可以睇得出係假呢？首先好簡單司棋姐post嘅截圖根本唔係WhatsApp，因為做得廣告要小心啲唔可以侵犯知識產權，所以係唔可以直接用WhatsApp，只能整一個好接近WhatsApp嘅介面出嚟，所以你會望到佢同平時WhatsApp嗰個UI設計係有啲分別。 睇埋媒體報道，同理可以睇得邊個媒體係收咗錢邊個冇。因為「溏心風暴」呢個好明顯屬於TVB嘅版權，所以如果係廣告嘅話係絕對唔可以出現呢啲字，所以你哋見到ToPick、Viu1 HK睇標題都係冇講過「溏心風暴」，最多只係提「金句」，就有落廣告嘅嫌疑了。而相反New Monday同埋01娛樂直接大大隻字寫住溏心風暴，直接寫個名，基本上都應該係冇接廣告或者唔知係廣告。 不過又係嗰個問題，大家對呢一類版係新聞，但係其實係有晒劇本嘅所謂advertisement 大家有乜嘢睇法？