終於理解點解啲司機唔會等啲長者坐好搞好先開車，特別係你67分鐘內接左94個兩蚊客。 公公婆婆們好可愛，有一半要拍兩次或以上先拍到。有三分之一鍾意排隊時傾計，上到車先慢慢搵張樂遊卡出嚟拍。有啲會拍完卡等埋老伴先肯行，但老伴又未攞卡，仲要拍唔到喎。又有啲一二一二咁追車，上到車就頂住到門話追死人，再慢慢攞張樂遊卡出嚟，死都唔比個司機閂門開車。