<最有效嘅學習方法> 寫咗threads六個月 儲埋有超過一百篇長文 但其實我有一個好自私嘅目的 今日想同大家自首 由細個讀書開始 我就有個好奇怪嘅習慣 就係鍾意扮老師講書 自己一個係房自言自語 對住空氣 當前面有一班學生 教返自己學完嘅內容 如果唔能夠解釋俾人聽 即係自己未夠理解 上到大學 大部份人去study group係溫書 我就係自己溫完先去幫人溫書 佢哋會覺得我好好人 肯花時間幫佢哋 答佢哋問題 但係其實我只係想測試自己仲有咩地方唔明 因為如果我答唔到佢哋問題 即係自己未夠熟 到而家寫posts都係 我只係將我見到 聽到 學到 做過嘅嘢寫出嚟 因為我知道如果我能夠解釋到一個邏輯 可以令一個普通人理解 咁我應該明白得個道理幾透徹 喺而家資訊氾濫嘅年代 好多人都係睇過聽過就當學識咗 但係其實全部都係片面知識 知道 同 明白 係兩回事 想測試自己明白 就試下自己識唔識得講解 Teaching is the best way to learn. 幫人 其實係幫緊自己 幫自己 同時又可以幫人 自私定無私 是但啦