職業操守 💯 工作態度 💯 個人德行 💯 就連緋聞都幾乎無嘅話，咁粉絲就會係佢唯一要害。 問心，無論妝容或歌藝係點都罪不至死吧？ 所以公海上尖酸刻薄嘅評語，其實都只係反映批評者本人非常尖酸刻薄（或者身負重任）而已😂 但粉絲唔同。 神徒都知道盧瀚霆係打從心底愛錫粉絲嘅偶像，咁粉絲自然就係佢最大嘅軟肋。 不論主動定被動，總之神徒有份參與嘅各種風波、爭執或罵戰，佢基本上都實要無辜地硬食同回應。所以粉絲唔係唔可以適時發聲，但就最好先三思而後行🙏🏻 因為假如有人故意興風作浪，挑起粉絲嘅神經，慫恿神徒疲於奔命咁東征西討嘅話 — 得益嘅係邊個？ 受傷嘅又係邊個？❤️‍🩹🥲