愈來愈覺得而家香港同好多地方，好瘦嘅女仔先係被對身材評頭品足嘅對象。好多人見到人瘦就標籤人營養不良，認定人係刻意減肥，一開口就問你係咪唔食嘢。亦有啲對健康概念好狹隘嘅人會話「女仔幾高唔夠幾kg應該要睇醫生」。 而我天生就好瘦，飲食都偏清淡。每次遇到唔熟嘅人對我講以上呢啲都覺得好無稽。 有啲人高談闊論身形多元化云云，其實只係對自己體重過重嘅美名，而踩低瘦嘅女仔。