追完開心果事件啲post諗起多年前西客往事： 【西客1】買滿金額送贈品，寫明名額50份咁，佢係第51個，我話換晒，佢話要投訴到底，因為你地公司搞呢啲活動應該保證人人有份。 【西客2】 買滿$500送贈品，西客買$490問點解冇送，我話未滿$500，佢話有咩理由咁冇彈性，投訴投訴投訴。 【西客3】 多人排隊買嘢，西客最後都買到嘢，後尾打嚟投訴佢排隊太耐，要求賠償時間及精神損失。 【西客共通點】 投訴嗰陣不斷話黑店、呃人、等執笠、唔會再幫襯，隔唔夠三日又見佢若無其事埋嚟俾錢。 自此搵工除咗人工福利之外嘅要求就係唔要對到客，corporate還好，街客真係不了，呢個世界沒有最痴線，只有更痴線。